Жолаушыларға

Билеттерді алдын-ала сату

Облысішілік, облысаралық және халықаралық бағыттарға билеттерді алдын-ала сату автобустың жөнелтілу күніне 1 кунги дейінгі аралықта жүргізіледі.

Жүру құжаттарын қайтару тәртібі туралы ереже

Осы ереже Автокөлік құралымен жолаушылар мен жүкті тасымалдау ережелеріне (рег.№2809, 16.04.2004ж., 05.12.2006 жылғы өзгерістері мен толықтыруларымен), «ҚР автокөлік туралы» ҚР Заңына сәйкес түзілген.

• Автобусқа кешіккен жағдайда, жолаушыға билет құнының 50%-ы шегеріле отырып және 100% комиссия алымы қайтарылады. Қайтару автобус жөнелтілген күннен бастап 3 күннен кешіктірместен жүргізілуі мүмкін.
• Автобус жөнелтілгенге дейін бір күн қалғанда және жөнелтілу күні автобус жөнелтілгенге дейін автовокзал (автобекет) кассасына билеттерді қайтарған жағдайда, жолаушыға билет құнының 20%-ын шегере отырып және 100% комиссия алымы қайтарылады.
• Рейс орындалмаған жағдайда, жолаушылары бар автобус келесі бір себеп бойынша автовокзал аймағынан өтпесе: толмай қалу, метеожағдайлар, жолдың дұрыс болмауы, техникалық олқылықтар және тағы да басқа себептер – билеттің 100% құны комиссия алымынсыз қайтарылады.
• Жолаушыларымен бірге автовокзал аймағынан жүру кезінде және соңғы нүктеге дейін рейсті орындамаған жағдайда, яғни жолаушылары бар автобусты аралық нүктеден келесі себептер бойынша қайтарған жағдайда, яғни метеожағдайлар, жолдың дұрыс болмауы, техникалық олқылықтар және тағы да басқа себептер – билеттің 100% құны комиссия алымынсыз қайтарылады.

Жеңілдіктер

5 жастан 11 жасқа дейінгі балалар билеті толық билет құнының 50%-ын құрайды, 5 жасқа дейін автобуста жеке орын ұсынбастан ақысыз жүру құқығы бар. Балалар билетін сатып алу кезінде, туу туралы куәлікті ұсыну қажет.

Қол жүгі мен жүкті тасымалдау кезінде

Қалааралық, халықаралық және қала маңындағы қатынастардағы автобустарда басқа жолаушыларға кедергі келтірмейтін, өлшемі 60х40х20 см аспайтын немесе жалпы габаритті көлемі 120 см-ден аспайтын кіші қол жүгін тасымалдағаны үшін төлем жүргізілмейді (жүктің бір орнынан аспайтын).

Жүк бөлімшесі бар қала маңындағы, қаларалық, халықаралық қатынастардағы автобустарда төлем жүргізе отырып 120х60х40 см аспайтын мөлшердегі жүкті (чемодан, жол сөмкесі, рюкзак) тасымалдауға рұқсат етіледі. Жүкті тасымалдағаны үшін төлем әрбір жүк орны үшін негізгі билет құнының 20% мөлшерінде алынады.

Габаритті емес жүк (қаптар, жәшіктер) және габаритті өлшемі 220 см-ден аспайтын жүк бос орын болған жағдайда ғана тасымалдауға қабылданады. Габаритті емес жүк үшін төлем әрбір жүк орны үшін билет құнының 40%-ы мөлшерінде алынады.

Тасымалдауға жүк ретінде от қауіпті, уландыратын, жарылатын, тез тұтанатын, улы және сасық иісі бар заттар, қабы жоқ немесе оралмаған қару, жылжымалы құрамды немесе жолаушылардың киіміне зақым келтіретін заттарды тасымалдауға жол берілмейді.

ҚР аумағынан шығу

Билет сатып алу кезінде жеке басты куәландыратын құжатты ұсыну қажет.